Homer Dizeyî & Lara Dizeyî - Kurdistan

Homer Dizeyî & Lara Dizeyî - Kurdistan

Kurdistan, cêgay beçkeşêrane
Cêgay hewargey, kurd wigorane
Xwaye her xoş bê, boman ta serbê
Paşmawey xakî, mad û babane

Xoştirîn cêgay, rûy serzemîne
Beheştî away, rojî diwayîne
Xwaye awa bê, neykey wêrane
Çende dillgîr û cwan û şîrîne

Pirr le şax û kêw, çiya û rûbare
Hemû seyranga û gull û gullzare
Çiwar werzî lela, herwek behare
Bo her la erroy, her mêrguzare

Ger bawerr nakey, hellse bêre lam
Bitgêrrim benaw, pênciwên û pîrmam
Bitbem bo solav, bo pîremegrûn
Şeqllawe û qendîl, ba bitken sersam

Her kes neydîbê, xakî kurdistan
Nazanê manay jînî însan
Nazanê çiye manay dilldarî
Nazanê boçî hatote cîhan

Her wa ezanê em serzemîne
Cêgay xwardin û xwardnewew jîne
Nazanê xoşî dîmenî cwanî
Xakî kurdistan çende rengîne