Huseynê Farê - Siloyê Sanikî

Huseynê Farê - Siloyê Sanikî

Derê hayla hayla lo bira
Wî de lê lê dayê dêranê sibe ye
Wez ê bi diyarê
Qurîngolê bi Neferê diketim
Min bala xwe dayê
ji êvar de giran e
bi ser me de bîna libes e
Ehmed Begê
bi sê denga dikir gazî digo
De lo lo Selman Bego
serê bîst û yek bavê min bi qurban be
Le tu bala xwe bidê vê sibê
Dengê nalînê birîndara
li hafa bavê min lo
li semta rê tê
Birawo mere serê xwişkê
bi qurbano dîsa giran e şer e
Lo lo keko lo bira
min ji te re nego
tu mere serê wî tehtikî
Hirşê devgeniya gamêşê golgeniya
Her çî di nava gorî
berana de berx e ma lo
Na na wele li orta meydanê
Gava çavê meriva
bi çavê vî zalimî dikeve
Ez ê ji we re
sond bixwim bi sonda qesemê
Mîna bîhna sekerata mewtê
li pozê meriv bixe
Li orta meydanê meriv
ezraîlê xwe bi çavê serê xwe bibîne
Birawo mere
serê xwişkê bi qurbano
dîsa giran e şer e
Lo lo keko lo bira
min ji te re nego
Tu mere şerê Siloyê Sanikî
Kesê ku here şerê Siloyê Sanikî
Ez ê ji te re
sond bixwim bi sonda qesemê
Ji mala xwe da
bi kêf û şahî derê
Wî lawo bi selametî venagere
lo were mere

Derê hay lo hay lo hay lo bira
Wî de lê lê dayê dêranê sibe ye
Wez ê bi diyarê Qurîgolê
bi Nefelê diketim
Min bala xwe dayê
sura bayê bûna ji xetê
Ji êvar da bi ser me da
helan e dîsa dilîlîne
Ehmed Begê bi sê denga
dikir gazî digo
De lo lo Selman Bego
serê bîst û bavekî min bi qurban e
Le tu yê vê sibê rabe
dîsa zû bike bilezîne
Kihêl û malekiya ji tewlê bikişîne
Teng û berê wan bişidîne
Wele tu yê standarta kekê xwe
di biniyê wan de bîne
De tev nede
dayika me axtiyar e
li aliyê malê raza ye
Berxê bavê mino
tu ê vê sibê şiyar meke
Lo lawo vî şer
û talanê giran mehesîne
Lo lo keko lo bira
serê siba Xwedê da
Ez bala xwe didimê
dengê van tivinga
dengê tivingê zarûk û marûka ne
Wele dengê van tivinga
dengê tivingê Mala Tûjo şerekî giran e
Şerê Siloyê Sanikî
hirçekî bi sê birîn e
Lo lo keko lo bira
wele kesekî nizane
nîşanê eskerê Siloyê Sanikî
bi çi teherî ne
Ew kesê eskerê Siloyê Sanikî be
Serê wan papax e
devê cunaxê nava milê wan
elesorê Esawî ye Besrawî ne
Na na wele
di lingê wan de
gîzme şiftelî ne
Tivingê destê wan
temamê ji ê kuçukçapê Romê modalî ne
Wele siwarê wî
siwar dibin peyadar in
Ji xwe re ketine
serê daxan û çiyan
Mîna eskerê hukûmata Romê
dikin bikişf û qollî ne
Lo lo keko lo bira
ez serê siba Xwedê da
Bala xwe didimê
Dengê van tivinga
dengê zarûk û marûka nîne
Wele dengê van tivinga
dengê tivingê Mala Tûjo
Şerekê giran e
şerê Siloyê Sanikî bi sê birîn e
Lo lo keko lo bira
min ji te re nego
Tu mere şerê Siloyê Sanikî
Hirçê devêgeliya gamêşê golgeniya
Hêçê zilama berxê berana
Na na wele li orta meydanê
Gava çavê meriv
li çavê wî zalimî dikeve
Ez ji we re
sond bixwim bi sonda qesemê
Mîna bêhna sekerata mewtê
li pozê meriv bixe
Li orta meydanê
meriv ezraîlê xwe
bi çavê serê xwe bibîne
Birawo mere
serê xinga teb i qurbano
dîsa giran e şer e
Lo lo keko lo bira
min ji te re nego
tu mere şerê Siloyê Sanikî
Ew kesê ku
here şerê Siloyê Sanikî
Ez ji we re
sond dixwim bi sonda qesemê
Ji mala xwe bi kêf û şahî derê
Ji wir da nahê
bi selametî venagere