Mavîş Guneşer - Şûara Findiq Axayî

Mavîş Guneşer - Şûara Findiq Axayî

Way de derdo derdo derdo;
Bira, axayê mi derdo.
Mektûva Qemer Axa´yî ame ve şîye,
“Nê-zanû kam weso, kam merdo?”
Yemos Xatûna çena, mektûve de yazmis kena;
“Torge sano Koo Sûrî,
Laşer amo qonaxe tûyê Axdadî berdo.
Melê sera vêsanîye îta ûsto ra,
Baxê tûyê Axdadî ra çerdo”

Way de Axdado Axdado, axaê mi verva rozo.
Findiq vano: “Bawo, çê to nêveso,
Tû nê-verda lazê to çar rojî tûfong bierzo.
Tû nê-zona qereqolo ke ardo wertê ma,
Mare peynîye de saredezo.”
Tae cencî têde reştî vî ra,
Tû nê-va ça bon sevevê na bîlmezû.”

Onder perozo, axayê mi nême rozo.
Cîvraîl Axa vano; “Qemer Axa gos ro mine,
Findiq Axaê to, di-hîre rojî Demenû de tifong bierzo.
Findiq Axay teşmîl meke,
Peynîye de cencûnê min û tore, bira saredezo.
Kamî zawt de Findiq Axay ro,
Va ke şero teşmîl bivo, kafîr dare erzo.

Way de Axdado Axdado; axaê mi sona şuye.
Ewro vengê dare estena Findiq Axa’yî,
Wertê aşîrû ro îlam bîye.
Dûman bîjero yê Qemer Axa’yî,
Hepisxane de xevere cire şîye.
Cîger-acisîye çixaşî zora,
Dîna çimû verde bîye tarîye.

Ax de bîye bîye, axayê mi bîye.
ûşenê Seyd vano, “Teşmîl me-be Qemer Axa,
Reyna gîredame dûzmûnê serê mîye.
Qemer Axa, gos ro mine, tûfong bierjîme,
Teke mireme eve cûamerdîye.
Ez zanû ke, ewro kafîr ma beno binê daraxacîye,
Nafa mara pers keno, soxûr-sûalê Kirmancîye.

Ax xilemalo zamanê dînawo.
Qemer Axa vano;
“Bûko, dûstê tora neçe teney eşt ve dare,
Qedaê to lajî cenû, tira xo ver me-kûye.”
“Bawo Olî kena çiqaş xayîne comerdî bîme,
Merdena xo mare nesîv nê-bîye.”
Ewro dare estena nî zalimî,
Bao, çi qesae de zore bîye.”
Mîlet cire bî minetçî, nêbî minetçî,
Minete kafîr het de qewûl nêbîye.

Bra sodiro, Findiq Axayê mi sodiro.
Findiq persene, xismê tavûrano.
Ax dîn û îmanê kafîrî çhîno,
Ardo hîre rey esto dare,
Zalimo, gavûro, vile Findiqî laê xo vişîyo,
Qevûl nê-keno, yezîdo, kafiro.

Male dînaye, dîna bê-tîvare.
Hefê mi bêro cencîya Findiqî.
Hîre rey la vişîyo, tepîya erzene dare.
Na dîna kes de nê-na, bûko dînake bê-tîvare.

Kilam û Qeyde: Welîyê ûşenê Yîmamî (1889/16.05.1958)
Çhimeyî: Alaverdî / Silemano Qizî
Otro qeydeyî: Kemal Kahraman
Aredaoxî: Metîn-Kemal Kahraman