Nîzamettîn Ariç - Ey Xabûr

Nîzamettîn Ariç - Ey Xabûr

Ey Xabûr, Xabûr, ey Xabûr, Xabûr
Wek daxwaza min, pir dirêj û kûr
Ey Xabûr, Xabûr, ey Xabûr, Xabûr

Kêferata te, xum xum, û lew, lew
Nayên bîra te ne razan, ne xew
Ey Xabûr, Xabûr, ey Xabûr, Xabûr

Herdem dinalî, bi qirîn, gazî
Lê kes nizanî, ka çi dixwazî?
Ey Xabûr, Xabûr, ey Xabûr, Xabûr

Armanca te ye, xurtî, pêşveçûn
Cihê te tenge, divê firehbûn
Ey Xabûr, Xabûr, ey Xabûr, Xabûr

Pêlan didî xwe, qîr û firyadî
Tu jî wekî min divê azadî
Ey Xabûr, Xabûr, ey Xabûr, Xabûr

Sînga vê erdê te çirand bi zor
Nizanim çira tu naçî berjor?
Ey Xabûr, Xabûr, ey Xabûr, Xabûr

Tu jî weke min, ger bibûna kurd
Ev xurtiya te dibû kul û derd.
Ey Xabûr, Xabûr, ey Xabûr, Xabûr

Helbest: Cegerxwîn
Muzîk: Nîzamettîn Ariç